CNO/CNDF le PDF (Kalay) ṭangrual dingin tiamkam tlangthannak nei

Chinram le Chinrawn pawl ah Dothlengnak thazaang a cak vivo ih khat le khat ṭanrual thazaang suahtlang a thupi sinsin ruangah Chin National Organization/Chin National Defense Force cun People’s Defence Force (Kalay) thawn kutzakai tlangin hmai a nor vivo ding thu tiamkam tlangthannak a nei.

2021, September 21 nikhenmi thusuah ah a zalenmi rampi dinsuanak hrangih dawnkhamtu SAC ralhraang cu mipi thapemi hriamkaibu pawl in nunnak thaapin titheitawk suahin an do rero thu, Mipi harsatnak petu SAC ralhraang doletnak ah hmuitinmi bangaw CNO/CNDF le PDF (Kalay) ṭangrual dingin thutiamnak an nei thu … tvk tarlang a si ih mipi lam khalin titheitawk suah in bawm cio dingah sawmnak an nei cih a si.

𝐂𝐍𝐎/𝐂𝐍𝐃𝐅 𝐃𝐢𝐧𝐩𝐢𝐦𝐢
▪️Chin National Organization (CNO) cu Chin Miphun huap Ramkhel Pawlkom (Political Organization) a si.

▪️Chin National Defense Force (CNDF) cu CNO tumtahmi pawl ṭuansuaktu, Uknak diklo dothlengtu le Chin miphun kilhimtu Hriamkaibu a si.

▪️CNO/CNDF cu Chin Ram le Chin Miphun hrang lawng si loin Rampi Federal Democracy a ngah tiang a ṭuantu ding a si.

▪️Kan Rampi dothlengnak hrangah NUG le CRPH thawn kutkai-aw in ṭuantlangtu pawlkom a si.

▪️Ramsung Ramhrin Miphun Hriamkaibu, Ethnic Armed Organizations (EAOs) pawl thawn ṭuantlangtu ding a si.

▪️Chin Ramkulh sung um hriamkaibu pawl a simi: CNF, ZRO(E), CDF le PDF pawl thawn Chin Ram le Chin Miphun hrang ah ṭuantlangtu a si.

▪️CNO/CNDF cu Chin Ram le Chin Miphun ṭhatnak ding hrang a ṭuantu, a zalenmi pawlkom a si.

Leave a Reply

Your email address will not be published. Required fields are marked *