Ṭaal khua ah SAC ralhraang pawl umhmun khuar lawk tum

Chinram hriamkaibu pawl ih Falam-Hakha lamziin khammi cu Falam ih JCB thawn an nor hnu ah SAC ralhraang pawl cu Ṭaal khua ah an thleng zo tiah thuthang kan dong.

“JCB thawn khua thim hlan ah an nor suak ih Ṭaal khua ah an lut zo. Ṭaal ah riak hrih an tum. Zaan ziat an um tum ti cu kan thei fiang lo” tiah tualsungum hnen ihsin thuthang don a si.

SAC ralhraang pawl in Falam-Hakha lamtluan ih inn tamzet an urkang zo ruangah Ṭaal khuami pawl in an khua urkaangsak an phang zet.

“Falam ihsin an pok hnu, Rialti an thlen ah khuapumhlum inn zate deuh thaw an urkang. Thlanrawn khuathar khalah inn 10 hnak ih tam an urkaang. Cuvek a si ruangah Ṭaal khua khal urkaangsak kan phang zet” tiah khuami pakhat cun a rel.

SAC ralhraang pawl cu Hakha lam pan ih poksuak an si nan Lamtluan ah Chinram hriamkaibu pawl in nasaten an rak do ruangah hmasawn in an feh thei lo.

Falam ihsin Ṭaal an thlen tiangah Chinram hriamkaibu pawl in voi 4 hnakih mal lo an kap zo tiah theih a si ih ralhraang lam ah mithi le hriam tuar an um hlei ah an mawṭaw 7 lenglo siatsak an si zo tiah kan thei.

Siarbet : Falam Peng ih SAC ralhraang cangvaihdan thu ah CNO/CNDF in official in thu an suah

Falam Peng ih SAC ralhraang cangvaihdan thu ah CNO/CNDF in official in thu an suah

Leave a Reply

Your email address will not be published. Required fields are marked *