CNDF Special Commando Training ṭumkhatnak ṭheh suak

Chin National Defense Force Special Commando Training ṭumkhatnak an zir suak zo thu theih a si ih December 3, 2021 ah tluang zetin ṭheh/kharnak puai an tuah tiah kan thei.

Thlapau Dothlengnak Lubanbik a si mi NUG cozahlam khalin Union Minister (Ministry of Defence) U Ye Mon hmin in lungawipitnak cakuat an hlan.

Cakuat ahcun ram le miphun hrang nunnak hlan in zalennak hrang pumpeawtu ralkap pawl upat an pe thu, Dothlengnak hlawhtling dingah meithal hriamhrei ralthuam lawng siloin sia ṭha thleidang thiamtu kan thinlung a thupi thu siseh, kan lungput, mipi ṭanpitnak thawn nehnak co ding NUG in zumnak a neih thu tipawl an ngan telih “miphun tintian ṭangrual in rampumhuap hmainornak an tuah rero zo ih, kan nih mipi ralkap khal mah le ṭuanvo ciar ṭuan dingah ralringten um cio dingin duhsaknak kan hlan” tiah an tarlang.

𝐂𝐍𝐎/𝐂𝐍𝐃𝐅 𝐃𝐢𝐧𝐩𝐢𝐦𝐢

▪Chin National Organization (CNO) cu Chin Miphun huap Ramkhel Pawlkom (Political Organization) a si.

Chin National Defense Force (CNDF) cu CNO tumtahmi pawl ṭuansuaktu, Uknak diklo dothlengtu le Chin miphun kilhimtu Hriamkaibu a si.

CNO/CNDF cu Chin Ram le Chin Miphun hrang lawng si loin Rampi Federal Democracy a ngah tiang a ṭuantu ding a si.

Kan Rampi dothlengnak hrangah NUG le CRPH thawn kutkai-aw in ṭuantlangtu pawlkom a si.

Ramsung Ramhrin Miphun Hriamkaibu, Ethnic Armed Organizations (EAOs) pawl thawn ṭuantlangtu ding a si.

Chin Ramkulh sung um hriamkaibu pawl a simi: CNF, ZRO(E), CDF le PDF pawl thawn Chin Ram le Chin Miphun hrang ah ṭuantlangtu a si.

CNO/CNDF cu Chin Ram le Chin Miphun ṭhatnak ding hrang a ṭuantu, a zalenmi pawlkom a si.

Leave a Reply

Your email address will not be published. Required fields are marked *