CNDF ralkap pahnih in ram le miphun hrang nunnak hlan

Ram le miphun hrang raldotu CNDF ralkap 2 cu 2022, May 29 ah ralhraang kut tuar in le bomb cangsualnak ruangah an nunnak a liam tiah theih a si.

Ram le miphun hrang nunnak hlantu CNDF ralkap 2 cu Salai Van Lal Buat Saih, kum 36, le Salai Van Thawng Awi, kum 32, pawl an si.

Salai Van Lal Buat Saih cu May 29 ah Kalay peng ralram hmun pakhat ih Mine cangsualnak ruangah a nunnak a liam.

Kum 32mi Salai Van Thawng Awi khal, May 29, Kalay Peng ralram hmun pakhat ah raldo phah in ram le miphun hrang a nunnak a hlan tiah CNO/CNDF in thu a suah.

CNDF ralkap 2 thih thu ah CNO/CNDF in sunnak capi a suah ih “upatnak sangbik kan pe” ti`n May 30 ah thu an suah a si.

May 29, Kalay peng doawknak boruak ah CNDF ralkap pakhat rualin Zawlpi khuami Pa Za Hum Mang an kap that ih CNDF ralkap pakhat thawn ralhraang ralkap in an ruak an khaang ziamral tiah theih a si.

Leave a Reply

Your email address will not be published. Required fields are marked *