CNDF, PDF Kalay le ralhraang SAC ralkap doawknak ah mithi 20 luan um

Tuini, November 16 ah CNDF le PDF (Kalay) ṭangrual in ralhraang an do nakah SAC ralhraang 20 leng an thi tiah theih a si ih Doawknak thuhla cipciar cu a hnuailam bangtukin CNO in official in thu an suah a si.

Chin National Organization thusuah

Chin Ramkulh, Tii-haang tlun lam ihsin Kalay Peng Nitlaknak lamih ral in ra nortu Ralhrang SAC ralkap pawl cu CNDF le PDF (Kalay) kom-awin zinglam 9:30 ihsin zaanlam 6:00 tiang nikhat sung cawl lo deuh thaw in kahawknak a thleng a si.

Tui ṭum kahawknak ah ralhrang SAC lam ihsin a malbik mi (20) leng an thi ih, hriamhma tuar tam zet an um a si. SAC ralkap lam ihsin hriamhreipi pawl thawn voi tam zet in kap ko nan, CNDF lam ihsin thlaphan um lomi hriamhma ngah pakhatte a um a si.

A tufang ah khatlam-khatlam kahawknak kan cawl hrih ko nan kanmah lam ihsin kan kulhpit thluh ruangah kahawknak cang thei ringring dinhmun kan si. Curuangah mipi pawl ralringten tlangleng cio dingin kan lo theihter a si.

Leave a Reply

Your email address will not be published. Required fields are marked *