CNDF in atakin mipi hrang an cangvainak langter

Kan Chin ralkap CNDF in atakin mipi hrang an cangvaihnak langter in ralhraang kut ihsin an la kir mi မှတ်ပုံတင် 100 luan cu an hnen ah lak saal theih a si zo thu, mipi an sim thei.

မှတ်ပုံတင် cu India-Myanmar ramri kiltu လဝက zung hnaṭuan pawl in mipi ta an lak sak mi a si ih, atu ah CNDF kut ah a um zo tiah theih a si.

“Voikhat ah CNDF ralkap pawl in Rihkhawdar လဝက zungih ret mi mipi မှတ်ပုံတင် pawl kan lak saal. Tuhlan လဝက hnaṭuan pawl in paisa dil in mipi ta an lak sak mi a si” tiah CNDF ṭuanvonei mipakhat cun a rel.

Kawlram ihsin India ram ih hnaṭuan lole thu phunphun ruangih ralkhat kai tumtu pawl cu ramri gate ihsin မှတ်ပုံတင် lak sak an si ih, netahnu ah paisa thawn an tlanter saal ṭheu a si.

Tu dinhmun ah Rihkhawdar kiangkap boruak a sosang ih kahdonak thawmvang a tam ruangah khawmi tamzet cu sahimnak hawlin India ram ah an beu tiah theih a si.

Siarbet : Falam peng, Rihkhawdar doawknak ah Ralhraang SAC rakap 3 thi (12 March)

Chin Ramkulh, Falam Peng, Rihkhawdar doawknak ah ralhraang SAC ralkap 3 an thi tiah theih a si ih, rank sang ralbawi pakhat a tel thei tiah CNDF hram pakhat in a rel.

“Zinglam nazi 6 hrawngah a si. Ralhraang SAC ralkap hmunkhuarnak kan kap. Ralhraang 3 an thi. Cumi ah rank sang ralbawi pakhat a tel ding zum a um. Kan nih lam kan him” tiah CNDF hram pakhat cun KTM hnen ah a sim.

Tualsungum mipakhat khalin “zingpit ah hriamkai kopaw pawl in ralhraang sakhaan an kap ti`n kan thei. Khatlamral ihsin an thawmvang a ring zet, nazi khuai ṭha hrawng a rei ding” tiah a rel.

Kahawknak lam hoih ih zukmi video tawi khal online ah a darh.

Kan dung zarh khalah India-Myanmar ramri ih um Rihkhawdar kiangkap ah Chin ralkap le ralhraang SAC ralkap an doaw ih kahdonak ah ralhraang lam amalbik mi 10 an thi tiah theih a si.

Tuini, March 12 doawknak thu thawn pehpar in ca kan ngan tiangah Chin ralkap pawl ih thu felfai an suah hrih lo.

Leave a Reply

Your email address will not be published. Required fields are marked *