Chuncung ih humvennak ṭuanvolatu CDF ralkap 2 an kap that

Tuni, April 25 zaanlam nazi 4 kim hlan hrawngah Chuncung khualuhnak gate kiltu Hakha CDF ralkap Salai Cung Nung le Salai Lian Sang Bik cu kah that an si.

Ziangtin an kap ti cu atu ca kan ngan tiangah felfaiin theih a si lo ih tualsungum media le CDF ralkap ṭhenkhat cun athupten ralhraang SAC ralkap pawl in an kap thatmi a si tiah an sim.

Humvennak ṭuanvo an lak nak hmun cu Hakha ihsin Chuncung khua luhnak CDF-Hakha Gate a si ih, cuih hmun ihsin Hakha lam fehtu Khawmi an um nan, cupawl cun lamziin ah SAC ralkap kan hmu lo tiah an sim.

Cuih ruangah ralhraang ralkap pawl in a thupten an kap mi a si ding tiah zumnak a um.

“Tuni khalah Chuncung ihsin Hakha lam a fehtu khawmi ṭhenkhat an um ko. Nan, lamziintluan ah SAC ralkap an hmu lo. Hramlak hmunhla deuh ihsin an kap mi a si ding” ti`n Khawmi pakhat cun a rel.

Ramsung media ṭhenkhat tarlangdan ah Hakha ih um ralhraang pawl in tlai hnu ah Rungtlang ihsin phukpi voi 5 hrawng an kap ti a si ih khawinah hmun an kap ti cu tarlang a si lo.

Leave a Reply

Your email address will not be published. Required fields are marked *