Chinram hriamkaibu zaten an cem hlan lo Kawlrawn ah kir lo dingin MAH in a ralkap pawl thu a pe

SAC ralhraang tuarna cuangnak Chinram, Sagaing le Magway ramṭhen raldonak ih kaihruai tuding ṭuanvo an pe mi ဗိုလ်ချုပ်ကြီးသန်းလှိုင် cu “mipi lamṭang hriamkaibu zaten na neh hlan lo Naypyidaw ah na kir lo ding” ti`n SAC ralhraangbawi in thu a pe tiah theih a si.

ဗိုလ်ချုပ်ကြီးသန်းလှိုင် cu atu ah Monywa khua ah hrambun in raldonak pawl a kaihruai tiah theih a si ih, Chin, Sagaing le Magway telin Kawlram nitlaknak saklam hmunram ih mipi humhimtu hriamkaibu pawl an cem hlan lo Naypyidaw ah tlung saal lo dingin ralhraangbawi in thu a pe tiah ralkap thawn naivaitu mipakhat in Ayeyarwaddy Times hnen ah a sim.

“An zaten na that thluh lole na kai thluh hnu lawng ah Naypyidaw ah ra kir aw ti`n thu an pe. Na duh mi ralkap na hmang thei an ti ih Lei siseh Vanpar hriamhrei ralthum le raldonak mawṭaw, Tank tivek khal na hmang thei ti`n thu an pe” tiah Naypyidaw, Ministry of Defense ih hnaṭuantu mipakhat cun Ayeyarwaddy Times hnen ah a sim.

Raldonak ah a thilung zaten pe thei dingin ပြည်ထဲရေးဒု-ဝန်ကြီး hnaṭuan cu ဗိုလ်ချုပ် စိုးတင့်နိုင် an ṭuanter sung tiah amahcun a rel bet hrih.

Than Hlaing

ိုလ်ချုပ်ကြီးသန်းလှိုင် hi nitlaknak saklam raldo dingih ṭuanvo an pe hnu, Myaung myone sungah a mawṭaw tomi bomb thawn an puah tiah thu a suak ih a mah khal a thicih ti`n thuthang a suak nan, “atak ahcun a thi lo” tiah Ayeyarwaddy Times in a nemhnget a si.

Leave a Reply

Your email address will not be published. Required fields are marked *