Chinram hriamkaibu ṭangrual pawl le SAC ralkap doawknak ah ralhraang lam tuar na

Hakha peng, Chuncung khualeng doawknak ah ralhraang lam mithi 4 le hriamtuar tamzet an um tiah theih a si.

Chinram hriamkaibu ṭangrual pawl in Chuncung khualeng ih an kap mi ralhraangrual cu ralkap thazaang 40 hrawng an si tiah CNA ṭuanvonei mipakhat in a rel.

Amahcun “Mizaan ah ralhraang mawṭaw 30-40 hrawng Hakha khuasung ah an lut zo. Atuih kan kap mi cu cupawl ih dungthlun, a hranten a ratu pawl an si. Thazaang 40 hrawng a simi ralhraangrual cu Chuncung khualeng in kan rak bawh ih kan kap” tiah a ti.

October thlathok lam in Chinram rapantu SAC ralhraangrual cu Falam-Hakha zinpi ah Chinram hriamkaibu ṭangrual pawl in na nawn in an rak kap ih Lamtluan doawknak ah ralhraanglam mithi 20 lenglo le mawṭaw an siat sak mi 15 hnak ih tam a um tiah kan thei.

Siarbet : SAC ralhraangrual cu Thinlunglam Doawknak hrang timlam in Chinram ah an ra mi a si

Thinlunglam doawknak hrang timlam in Chinram ah a ratu SAC ralhraang

Leave a Reply

Your email address will not be published. Required fields are marked *