Chinland Defense Force in Hakha mipi ralrin an pe

Chinland Defense Force – Hakha Council timi hmin thawn June 16 ah Hakha mipi ralrinpeknak thu an suah.

Thusuah ni ihsin thok, hmuh nak pohpoh ah ralhraang ralkap kahdo an si ding ruangah an kiangkap ah mipi um lo dingin thu an than.

Hitiih thu an suah nak san cu Hakha khuasung ah ralhraang ralkap in duhtawkin mipi an nuaineek ruangah ti a si ih, an mah thawn hnaṭuantlang hmuahhmuah khal ralhraang ralkap an si ti`n CDF in a pom thlang.

Cuhleiah ralhraang ralkap in ukhruaiawknak fehtluang thei dingin khawsung mipi cu ralphaw ah hmangin himnak an hawl. Curuangah an kiangkap naivai ah um lo dingin mipi kan sim than duh ti`n CDF in thu a than.

Simthanawknak um cingin ralhraang thawn hnaṭuantlang ruangah tuahmawh tuar pawl siseh, an umnak hmun zung le Tlawnginn kiangkap tvk ah um ruangih tuahmawh tuar pawl khal CDF-Hakha in ṭuanvo a la tum lo a si.

CDF-Hakha in ralhraang ralkap an hmuh nak pohpoh ah kahdo an si ding thu an phuang rualin ram le miphun hrangah nunnak thap in dothlengnak tuah dingah sawmthannak an tuah cih a si.

Leave a Reply

Your email address will not be published. Required fields are marked *