Chin ram ah Tlawnginn le Biakinn bat hrim in Bomb an thlak, Khawmi 3 an thi

Tuni July 2 zinglam nazi 11 hrawngah ralhraang ralkap in Mindat khawte ah bomb an thlak ruangah khawmi 3 an thi ti`n CHRO in a tarlang.

Bomb thlak nak hmun hi Mindat-Matupi karlak peng 38 hrawng ih hlat, Chat khawte ah a si ih ralhraang ralkap in raldonak vanzam pahnih thawn raltlan pawl beunak Tlawnginn le Biakinn bat in bomb an thlak hrim.

Bomb thlak mi cu raltlan beunak Tlawnginn area le Biakinn area sungah a tlak ih mithi an um hlei ah hriam tuar khal an um.

Tualsungum hnen ihsin thuthang dongtu Chin Human Rights Organization cun raldo vanzam thawn amalbik rocket 11 an kap tiah a tarlang.

Mizaan July 1 khalah Mindat khawsung ihsin khawte lam bat in ralthuamtum an kap ruangah kum 13mi nauhak pakhat thi in, inn į¹­henkhat a kaang tiah thuthang theih a si.

Leave a Reply

Your email address will not be published. Required fields are marked *