Falam : Canbary ih Lungkuai Tlang cu View Point ah canter tum

Falam khuamawi cuannak ding hrang hmunrem pakhat a si mi Lungkuai Tlang cu a picang zetmi View Point (Khua cuannak) ah canter tumin Falam Pacang No Pawlkom (FPNP) – Media and Development Sub – Committee in hmalaknak a nei thok.

Lungkuai Tlang cu Falam ih hmun hminthang pakhat a si ih Canbary bualrawn kap ah a um. Cuih hmun cu tuhlan ihsin View Point ah sakbangsehla tiah duhthu samnak a rak um ih, tuah, a takih cangsuak thei dingin FPNP in hmalaknak a nei thok tikah mipi lam khal an tha tho zet.

Falam Pacang No Pawlkom sungtel pakhat cun “Falam khua mawi cuannak ding hrang i hmunrembik kan neih sun pakhat a si. Hih hmun View Point ih canter ding cu mipi lam khal an lungkim zet” a ti.

Hih hmun hrang tuahtheih dingih ruatmi pawl cu
“1. Cherrykung 200 cing ding
2. Zaute tumpi sak ding
3. Tlangheel ziin ah tohkham retin Thingtheirah ciing ding
4. Lamziin ceek sal ding
5. Ceimawi nakding hrang Siipin hnen ah ting 300 dil ding.
6. Sport Department ram a si ih Municipal nih controlmi hmun si thei dingin dil ding le Communication Dept lam thawn ron aw khawm ding
7. Electric hri pawl thawn dingin Chinram Acozah dil ding ti pawl an si”.

View Point project cu Falam siipin le cozah ṭuanvonei pawl sawm kham in ṭuantlang ding a si ih tumtahmi kan hlawhtlin cun Falam Khuapi a mawi sinsin ding a si.

Leave a Reply

Your email address will not be published. Required fields are marked *