MAH ʟᴇ Kᴀᴡʟ ʜᴜᴀᴛɴᴀᴋ ᴛʜᴀᴡɴ sɪʟᴏ, Rᴀᴍ ʟᴇ Mɪᴘʜᴜɴ ᴅᴜʜᴅᴀᴡᴛɴᴀᴋ ᴛʜᴀᴡɴ ᴅᴏᴛʜʟᴇɴɢɴᴀᴋ ᴛᴜᴀʜ ᴜʜsɪ

Ram pumpi huapih dothlengnak tuahdan pawl zoh rero tikah a tuahtu pawl thinlung muril sungah huatnak Hatred and Anger in a luahkhat tuk. Kan thinlung ah midang huatnak a khat tuk asile thuruahdan khal a peng thluh ih lungfim te’n thutluknak tuah a harsa theu.

Dothlengnak cu hriamhrei thawn tuah rero si hmansehla, hmuitinmi (political creed, ideology, principles or beliefs) felfai neih hmaisa hi a hmaisabik ih thupimi a si ko.

“Na ral duhdaw aw!” timi kha Jesuh thupek a siko ih, MAH duhdaw ding timi cu ka sim tummi a silo.

MAH huatnak pakhat te lawng thinlung thawn dothlengnak tuah a hlawhtling thei fawn lo ding. MAH siloin a thil tuahmi hi hua ding kan si sawnih miphun duhdawtnak thawn dothlengnak tuah ding kan si.

Bama pawlin Bama le Buddha cu pumkhatin an fehpi ih Bama miphun cu a hlo theilo ih an pung sinsin. Bama silo khal Buddha an sicun “aw Bama na si cu!” ti’n mi anti sawnih Bama silo Bama ih rung cang an tam. Chinmi cu kan linglet! Miphun dang nupi / pasal an va neih hmanah CHIN na sit nawnlo kan ti aw cih mai.

Chinmi cun “Chinmi cu Christian kan si” timi fumfe zetih thuken neih tla hi a thupi zet. Pathian thu simtu in miphun thu a sim le “A tuahlo ding a tuah!” ti’n simaw, miphun thuhla buaipi rerotu or dothlengnak ih cangvaitu pawlin Pathian thu thawn an ti tikah “An tuahlo dingmi an tuah!” tivek ih simtu kan tamtuk lai.

Hiti’n kan feh vivo asile Pathian thu lam khalah hlohralnak, Ram le miphun humhim thuhla khalah hlawhsamnak! A pahnih in kan humhim theilo veve ding.

1) “Cʜɪɴ ᴍɪᴘʜᴜɴ ᴄᴜ Cʜʀɪsᴛɪᴀɴ ᴋᴀɴ sɪ ” ᴛɪ ᴜʜsɪ!

2) MAH ʟᴇ Kᴀᴡʟ ʜᴜᴀᴛɴᴀᴋ ᴛʜᴀᴡɴ sɪʟᴏ, Rᴀᴍ ʟᴇ Mɪᴘʜᴜɴ ᴅᴜʜᴅᴀᴡᴛɴᴀᴋ ᴛʜᴀᴡɴ ᴅᴏᴛʜʟᴇɴɢɴᴀᴋ ᴛᴜᴀʜ ᴜʜsɪ!

𝐒𝐚𝐥𝐚𝐢 𝐀𝐥𝐚𝐧
𝐃𝐞𝐜𝐞𝐦𝐛𝐞𝐫 𝟏𝟔, 𝟐𝟎𝟐𝟏.

Leave a Reply

Your email address will not be published. Required fields are marked *