Benjamin Sum in “Pathian Fa” timi hla thar a phuah suak dan maksak a rel

Chin arsi Benjamin Sum cu tuṭum raltlan pawl bawm nak ding hrang sumpai hawlin man lo cingten India khawpi New Delhi ah a tlawng.

Delhi um kan unau Hakha community pawl tawrelmi “Charity Concert For Chinland” ah hlasak thiam dangdang thawn an sawm ih caan a daihaw lo ruangah a rualpi ai in tlai deuh ah Delhi a thleng.

Cuvek dinhmun sicingin thla in cam sak ṭheutu Falam nubu pawl ka tong duh ti`n caan nei lo cingten a tong hai ih lungawithu simnak le Innteek lam ih thucahtawi simnak khal an nei.

Cumi ah dangdai zetih a phuah suak mi Pathian hla pakhat a sak sak hai. “Pathian Fa” timi hla a si ih a phuah suak dan maksak cu hitin a rel.

“Himi hla hi ka voikhat sak nak ding a si. Ka rak ngan/ngah dan cu, Myanmar idol ṭheh ah khual kan tlawng ih ziang thu ruangah si maw thinhar zetin ka it that.”

“Ka mang ah Pathian thawn kan rak lengtlang ih ka ṭhang cu ṭong khal ka ṭong thei lo. Thla tla ka cam thei lo. Ka mitthli a tlak ciamco ih bawipa in pom aw ti phah in itkhun ah kei mah ten ka um rero.”

“Zianghman khal ka ṭongsuak thei lo. Pathian hnen ah lungawithu khal ka sim thei lo. Thla tla ka cam thei lo. Cutin Pathian thawn kan lengtlang mi kha nuam ka ti tukih, cuti dinhmun in ka rak phuah mi Pathian hla a si” a ti.

Benjamin Sum ih voikhat saknak “Pathian Fa” timi hla rak ngai ve aw……

Leave a Reply

Your email address will not be published. Required fields are marked *