AA hnen ah Chin ralkap pawl Raldo an zir

Arakan Army (Rakhine ralkap) hnen ih raldo zirtu CDF Mindat ralkap pawl an ram ah an thleng saal lai video tawi cu CDF Mindat in April 26 ah internet cahmai ah an thlah.

AA hnen ah raldo zir dingin CDF Mindat in mipum 30 hrawng an thlah tiah theih a si ih, video tawi an thlah mi ahcun “netabik a tangmi kan ralkap 15 pawl cu hriamhhrei ralthuam famkim thawn an thleng saal zo” tiah an tarlang.

Video tawi cu October 23, 2021 ih zukmi a si nan, tu ni April 26 2022 lawngah internet cahmai ah an thlah mi a si.

“Tuhlan ah raldo zir dingin ziinkong phunphun hawlin le hmun tinkim ah kan feh.”

“Doawknak a um pehzom vivo ruangah raldonaklam fimthiamnak tlasamtu kan nih CDF – Mindat cun AA hnen ah raldo zir dingin kan thlahaw a si” tiah Chin Defence Force – Mindat cun video tawi an thlah rualin simfiahnak an nei cih.

Chin ralkap lakah AA thawn pehzomawk duhlotu an um nan, pawlkom ṭhenkhat cu raldo zirnakding ziinkong dang an hawl hmu thei lo ruangah AA hnen ah raldo zirtu ṭhenkhat an um tiah theih a si.

Leave a Reply

Your email address will not be published. Required fields are marked *