Ṭio tipi in a fen hlo mi Salai Run Lian Cung an hawl hmu thei hrih lo

Myanmar-India ramri, Ṭio tipi ah tidai bual in a hlo mi Salai Run Lian Cung cu ni 4 sung an hawl zo nan an hmu thei hrih lo.

Kum 15 mi Salai Run Lian Cung cu Hakha khua, Lungphun Tlang mi a si ih, Caw dawi in Mizoram lam a pan lai ah a hlo mi a si ti`n kan thei.

July 2 ah Thantlang peng le Mizoram ramri, Ṭio tipi ah tidai a bual ih rinlopin Tipi in a fen. Rualpi pawl in bawm an tum nan Ti tha a cak tikah run khawsuak thei lo in an um.

“Furpi a si ih Ti tha cak zet lai fang a si. Hivek caan ah Ti leuh ṭhang, Ṭio kaan thiam pawl khal an buai ṭheu. Kum tin deuh thaw mithi an um.”

“Salai Run Lian Cung khal hi Ti leuh thiam lo cu a si lo nan, a van duai hrimhrim si ko. Tidai in a fen ni, khaw thim tiang an hawl thok ih tuni tiang an hmu thei hrih lo” tiah amahthawn naivaitu mipakhat in Mizo media hnen ah a sim a si.

Leave a Reply

Your email address will not be published. Required fields are marked *