Ṭaal le Tlangzar karlak ih sarmi mithi cu CNDF ralkap a rak si

March 1 ah Falam peng Ṭaal le Tlangzar khua karlak ih zo ti theih lo mithiruak an sar mi cu colhla sung CNDF ralkap a rak si.

“Mizaan, Ṭaal le Tlangzar karlak peng 16 kiangih mithiruak an sar mi cu CNDF ralkap Tuan Nei Sum a si”.

“Colh la in Mizoram ihsin khua lam a tlung lai ah ralhraang SAC ralkap pawl in an kai ih an that” tiah CNDF thuphuangtu Cung Ngai in a rel.

Amah hi Kawlrawn ihsin Chinram lam ra kaisotu ralhraang pawl in Lungpi kiangkap ah an kai mi a si tiah khawmi pawl in an rel ih, a mawṭaw cycle to mi khal Lungpi kiang ah a um lai tiah an sim.

Zohmawilo ding khawp ih rapthalk zetih thattuar CNDF ralkap Salai Tuan Nei Sum cu Lente khua mi a si tiah kan thei.

Chin National Defense Force (CNDF) ralkap, paralṭha “Salai Ṭuan Nei Sum” Suunnak Capi

Suunnak Capi (3/2022)
March 3, 2022
Chin National Defense Force (CNDF) ralkap, paralṭha Salai Ṭuan Nei Sum (kum 22) cu 2022 March 1 ni ah amah ih tiamkamnak a tuah vekin, ram le miphun dothlengnak hrang cawlh a lak hnu miphun hrang ṭuan peh dingih a ra kirnak lamzin ah ralhrang SAC ralkap pawl ih nunrawng zetih thah a tuar a si.
Miphun dothlengnak hrangih a pumpek-awknak parah CNO/CNDF in upatnak sangbik kan pe ih, tantami sungkua pawl thawn bangrep in kan tuar zet a si.

Chin paralṭha kan miphun ralkap Salai Ṭuan Nei Sum, ram le miphun hrang na pum pekawknak le na ruahsannak pawl hi na tantami na ṭuanpi CNO/CNDF in kan hnglih dah lo dingih thahrum hmangin thuneihnak a cuhtu SAC ralhrang ralkap pawl an cimit ṭheh tiang kan run do ding a si tiah a feh liam zotu na ṭuanpi paralṭha pawl le na hmin sal in thu kan lo kam a si.

Leave a Reply

Your email address will not be published. Required fields are marked *