Paralṭha Salai Sap Din Ṭhuama in a duhdawt mi Ram le Miphun hrangah nunnak hlan

CNDF ralkap a si mi Salai Sap Din Ṭhuama cu Falam peng doawknak ah a nunnak a liam tiah theih a si.

Kum 31 mi Salai Sap Din Ṭhuama cu 2022 January 23 ah Falam peng, hmun pakhat ah ram le miphun hrang raldo phahin a nunnak a liam mi a si.

Ram le miphun hrang nunnak hlantu Salai Sap Din Ṭhuama suun thu ah CNO/CNDF in upatnak sangbik a pe ih, a tantami a sungte pawl thawn bangrep in an tuar ve thu, CNO/CNDF in Suunnak Capi a suah a si.

CNO/CNDF ih Suunnak Capi

Chin National Defense Force (CNDF) ralkap, paralṭha Salai Sap Din Ṭhuama (kum 31) cu 2022 January 23 ni ah amah ih tiamkamnak a tuah vekin, ram le miphun dothlengnak hrang Chin Ramkulh, Falam Peng hmun pakhat ah Chin mipi humhim dingih raldo phahin ram le miphun hrang a nunnak a hlan a si.

Miphun dothlengnak hrangih a pumpek-awknak parah CNO/CNDF in upatnak sangbik kan pe ih, tantami sungkua pawl thawn bangrep in kan tuar zet a si.

Chin paralṭha kan miphun ralkap Salai Sap Din, ram le miphun hrang na pum pekawknak le na ruahsannak pawl hi na tantami na ṭuanpi CNO/CNDF in kan hnglih dah lo dingih thahrum hmangin thuneihnak a cuhtu SAC ralhrang ralkap pawl an cimit ṭheh tiang kan run do ding a si tiah a feh liam zotu na ṭuanpi paralṭha pawl le na hmin sal in thu kan lo kam a si.

Leave a Reply

Your email address will not be published.