Mindat CDF in ralhraang do dan level 1 ṭhan
Zinkong phunphun hawlin ralhraang ralkap do rerotu Mindat mipi ralkap cun Dothlengnak hmual nei thei sin beisei in ralhraang ralkap cangvaihnak le an sungthu puut tertu cu laksawng awmang tawk kan pe ding ti`n mipi an theihter.
Tuhlan khalah remcanlonak ruangah CDM lut lo, ralhraang ralkap thawn hnaṭuan tlang pawl lak ah an sung thu puut darh ter le athupten mipi ralkap pehtlaihtu an um rero zo nan, lawm man pekawknak a um bet cun mipi ralkap pehtliahtu an pung ding zum a um ruangah tuvekin mipi theihternak an tuah mi a si.
Mindat CDF ṭuanvonei mipakhat cun “ralhraang thuthup kan dong cia cun thihhloh le kaikhihawknak ziang maw cin kan hrial thei ding.”
“A ol zawngin vun rel seh la dothlengnak tuah phah in mipi humvennak hrang Ke kar hmaikhat kan ti sawt. Tuhlan khalah ralhraang sunglam thuthup simtu kan nei rero zo. Nan, lawm man pekawknak a um cun tha thar a suak thei sal tiah kan ruat.”
“Amahbelte lawm man pekawknak cu rintlak thuthang a si le si lo timi par ah tampi a ṭhumaw ding. Cun, ralhraang thangkamnak tla a um thei ruangah kan nih lam khal kan ralring ṭul zet” tiah a ti.
2021 kum lai hrawng ah Mindat CDF in kan hnen ih CDM luttu pawl lawm man kan pek ding ti`n thuthannak an rak tuah ih, meithal le ralthuam famkim thawn mipi ralkap pantu SAC ralkap an um hnih-thum zo a si.
