Kawlrawn ah CNDF ralkap 2 le PDF 2 ralhraang in kap that
Sagaing ramṭhen, Shwebo peng, Budalin hmunram pakhat ah ralhraang ralkap in CNDF ralkap 2 le PDF ralkap 2 an kap that tiah theih a si.
CNDF ralkap hi mipathum an si nan pakhat cu thil ṭul poimawh tuah dingin a vaksuak ih, a tang mi ralkap 2 le PDF ralkap 2 pawl cu ralhraang ralkap in kulh thluh in meithal thawn an kap that tiah an sim.
CNDF thawn naivaitu hnen ihsin thuthang kan don dan ah ralhraang kut tuar CNDF ralkap pawl cu thil ṭul poimawh tuah tum in Kawlrawn ah an feh ti a si ih, March 15 ah vanduainak tongin mual in liam san a si.
Ram le miphun hrang nunnak hlantu CNDF ralkap 2 cu Salai Ha Khui Om @Zar Ni Aung, kum 20, le Salai David Lal Than Lian, kum 21, tipawl an si.
CNDF in ram le miphun hrang nunnak hlantu ralkap 2 cu a sangbik upatnak hlanin “Suunnak Capi” an suah zo nan, rak vaksuak man ralkap pakhat thu le ralhraang ralkap in ziangtin an umnak hmun an thei timi an suah tel lo.
