Hakha khuasung ah Ralhraang 2 that tuar, Ralhraang ralkap in Khuami kai khih mi nei ve

2023, January 25 zinglam ah Chin ramkulh, Hakha khua, Cawbuk veng ah kahdonak a um ih ralhraang ralkap 2 an thi tiah theih a si.

Kah that mi ralhraang ralkap 2 cu Cawbuk check gate ih duty ralhraang pawl rawl khaih an feh lai fangah a si ih an kutsung ihsin meithal pakhat lak sak a si thu cu CDF-Hakha in official in an phuang zo.

Kahawknak boruak ah ralhraang ralkap lam lungawi loin thazang tampi thawn Cawbuk lam an pan sal ih JCB thawn khuami inn 3 an siat sak hlei ah kut thlakawknak tuah in kaihkhihmi khal an nei tiah khuami pawl in an sim.

Atu ca kan ngan tiangah an kai mi hi zo pawl an si timi siseh ziangvek dinhmun an si ti theih fiang a si lo ih, kaihkhih awknak a um hnu, zaan khaw thim hnu ah khuasung ihsin meithal puak a thang.

Asinan, zo pawl an kap aw ih ziangvek dinhmun an si ti khal cu tu tiang ah thufelfai a um hrih lo a si.

Leave a Reply

Your email address will not be published.