Cangsual pangin CNDF ralkap pakhat nunnak liam

Chin ramkulh, Falam peng hmun pakhat ah CNDF ralkap Salai Sui Thawng Lian in ram le miphun hrang nunnak a hlan tiah theih a si.

Amahhi kum 19mi minote a si ih, May 7 ah bomb puak sual pangin a nunnak a cem ti`n an sim.

Amah thawn naivaitu mipakhat cun “Paralṭha ka nau Sui Thawng Lian, mizan doawknak ah nan him ti kan thei ih kan lungawi zet.”

“Kan Khua Thar inn a tangsun tla an him ti kan thei ih Pathian hnenah lungawithu kan sim rero.
Khuami pawl ṭih le lau ih an relhnak hmun hramlak ihsin tuni ah damten inn an tlung thei sal ti kan thei ih kan lungawi kan hna a ngam.”

“Asinan cumihnu reilote ah in liam san ti thawng kan thei cu kan zum thei lo” tiah a ti.
CNDF ralkap Salai Sui Thawng Lian ih ruak cu upatnak pekin vuiliam a si zo thu, May 9 ah CNO/CNDF in thu a suah.

Leave a Reply

Your email address will not be published.