Zu ri in Inn nawk kaang, Inn 3 kaang fai

March 9, Rakhine ramkulh, Ponnagyun myone, PooShewPinSanPiah khuate ah NaingNaingChe tiih kohmi zuri pakhat in an inn a nawk kaang ih kaingkap inn 2 a kaang pehzom.

Innsang buainak ruangah thinheng in zu a in ciamco ih sunpadir rori ah inn a nawk kaang ti`n khawmi pawl in an sim.

“Khaang hrim mi a si. A nu thawn thu elaw in sun ah zu a in ih inn a nawk kaang. Cumi ihsin inn 2 ah a kaat ih a zaten inn 3 a kaang.”

“Khua a hlum tuk thlang ih meikaang a awl zet. Curuangah caan malte sungah inn 3 rori a kaang. Veng sung mipi in nazi 1 sung hrawngah mei an phal thei” tiah khawmi pakhat in tualsung media hnen ah a sim.

Inn kaang hi tlakrawh-inn 1 le thing-inn 2 an si ih kyat ting 300 man hrawng sunral dingah ruah a si.

Inn nawk kaang tu NaingNaingChe, kum 28, cu tualsung humvennak ṭuanvo latu AA palik in an kai tiah theih a si.