Upat sunloih phu Commando ralkap Rachel
Mipa thawn bangran rorin cangvai theitu CDMer, SPECIAL OPERATION FORCE ralkap Rachel cu mipi lawmh a hlawh zet ih, nisuahnak thlanglam ralram ah a hmin theilotu an um tuk lo tiah an sim.
KNLA tatyin 18 ah mipi ralkap pawl voikhatnak raldo an zir ṭum ih a cangvai thei dan cu hruaitu mit a la zet ih, raldo zir mipum 250 sungah commando ralkap 80 hril mi ah a tling ve.
Cumi sung ihsin mi cuangce pawl hril bet a si tikah hriltlin a si bet ih nunau commando ralkap ṭuan hmaisabik ah a cang.
Amah thu thawn pehpar in S.O.F ralkap cun hitin a tarlang. “pound 30 rit dippi cu azaang ah phur in nitin meter 6000 a tlan thei. Physical test an tuah tikah meter 600 mualpi cu cat bang lo in voi 30 a hel ih a tlan thei.”
“Ni tin tuahmi peng 3 tlan, push up, pull up le thil rit thlir khal cu mipa rualin a tuah thei. A ṭuan dingmi ngaipoimawhtu mi men lo Rachel cu S.O.F ralkap a si.”
“S.O.F ah Rachel vek nunau ralkap/palik tampi an um. Rachel vek miralṭha hruaitu ṭuan theitu nunau tampi an um. Cupawl upatnak pekin International Women’s Day kan hmang.”
