Simfiahnak zianghman um hran loin Khuasung ah Fangfai luhpi an kham
Kachin ramkulh, Hpakant peng ah ralhraang ralkap in Fangfai luhpi an kham ruangah Fang zuar ding um lo in dawr ṭhenkhat an phit a si.
February 9 ihsin thok Namya SAC ralhraang check gate ihsin fang luhpi an kham ruangah khuasung ah fangfai lei ding a um hruthralo tiah khawmi pawl in an sim.
Tualsungum mipakhat cun “Mizaan tiang cu fang a dip in lei ding a um nan, tuizing in a dip in lei an siang nawn lo. Fang lei ding a um lo ruangah dawr ṭhenkhat an phit. Dawr ong sun pawl khalin a dip in an zuar lo. Hitiih fang lei ding a um lo nak san cu check gate ihsin fang lut an kham ruangah a si tiah an sim” a ti.
Fang a harsa ruangah ငွေတိုး fang dipkhat hi kyat 105000, ပေါ်ဆန်းမွေး dipkhat kyat 150000 titiang a thleng tiah amahcun a rel bet hrih.
Tu dinhmun ah Hpakant ih fang lutpi tumtu mawṭaw pawl cu gate ihsin an kham thluh ti a si ih, an kham nak san cu mipi ralkap in tu le tu ralhraang check gate an kap ruangah a si thei ti`n khuami pawl in zumnak an nei a si.
Ralhraang ralkap in Fangfai lawng siloin datsii phur an kham ruangah khuasung ah datsii a harsa ih gallon khat ah kyat 19000 tiang a man a kai tiah theih a si.
