Ralhraang ralkap in Daan thar phuang
Ralhraang SAC ralkap in ramsung um media siseh, ca rial suahtu pawl hrang Daan thar an rem sal mi cu March 7 ah mipi theihternak an nei.
Tuhlan, 2014 ih pyithaungsuh hluttaw nemhnget zomi media le ca rial suah pawl hrang Daan an tuah cia mi kha an mah duh zawngin an rem bet mi a si ih, cuih Daan buartu cu license long lole camkhat hrang hnaṭuan kham an si ding.
Daan um cia mi ah phunhnam, biaknak, mipi buainak suakter thei mi le rampi hrang ṭihnung theimi thu le hla siseh, misual, a hrang zawng cangvaihnak ….tvk thapeknak ca suah an kham.
Atu SAC cozah thubetmi ahcun cuvek casuahtu pawl report tu an um men khal ah kaih theih an si ti`n tarlang a si ih, cumi thawn pehpartu cu hnaṭuan theihnak license lak sak lole caan khiah ziangmaw cin tiang hnaṭuan kham hremnak pek theihnak Daan thar an tuah a si.
Atui` SAC cozah Daan thar bet mi cu a hmin men a si ih, tuhlan kan rampi a buai pek ihsin an rak hmang zok rero zo mi a si.
2022 kum cem tiangah media 14 pawl license phit sak in, ca pangai suahtu company fate 4 le ca rial suahtu company 2 an phit sak zo a si.
