Mipi ralkap pawl him thei nak dingah Thihcilh rorin Ralhraang a kham

March 6 ah Gangaw hrambun The Youth Force (Say&Kyaukhtu) mipi ralkap pakhat a si mi Ko Zin Pyo Lwin cun ram, miphun le a ralkappi hrangah nunnak a hlan a si.

Ral do bawm dingin hmun pakhat an pan lai ah ralhraang ralkap pawl in a thupten an rak kap ih a ralkappi pawl him thei nak dingah ralhraang cu thih cilh rorin a do hai a si.

Amah hi kum 20 hrawng si in, Gangaw peng, No 13 ralkap, The Youth Force (Saw & Kyaukhtu) ihsin ram le miphun hrang nunnak hlan hmaisabik a si.

Ram, miphun le a ralkap ṭuanpi pawl hrang nunnak a hlan mi par ah The Youth Force (Saw & Kyaukhtu) in a sangbik upatnak an hlan a si.

The Youth Force (Saw & Kyaukhtu) cu Magway ramṭhen, Gangaw peng ih hrambun an si ih CDF Mindat le CDF Kanpalet telin mipi ralkap bu dangdang thawn kutzakai tlangin ralhraang do ṭheutu an si.