Kum 6 mi nauhak telin Innsaangkhat rapthlak zetin That tuar

Sagaing ramṭhen, Kantbalu peng, Ngarmyaung khua ih innsangkhat cu rapthlak zetin an zaten thah an tuar.

January 14 zinglamri ah an inn luhcilh tahratin thah an tuar ti a si ih nauhak kum 6 mi telin mi 8 thah an si.

An umnak inn hi tuhlan ah NLD party zung ih rak hmang lawk mi a si ih inntekpa khal cu NLD sungtel palai pakhat a si tiah khawmi pakhat in a rel.

Amah cun “Zaanṭim, zinglam kairal hrawngah thah mi an si. Athattu hi mibur an si ih meithal namte tivek an keng. Pyosawṭhi an si tiah kan thei. Zangfahnak nei lo in naute tiang an that” tiah amahcun Ayeyarwaddy Times hnen ah a sim.

Thah tuar pawl lakah kum 6 mi, kum 13 mi le kum 15 mi nauhak an tel ih, cu lo dang cu kum 30 luan hlir an si.

Mithattu hi tualsung mipi ralkap pawl khalin pyosawṭhi an si tiah an rel nan ralhraang ralkap lamṭang pawl cun PDF cangvaihnak a si tiah internet cahmai ah thu an theh darh.

Kantbalu peng cu ralhraang hmanfung phungki U WaThaWah hohami pyosawṭhi tha cak zet nak hmun a si.

Leave a Reply

Your email address will not be published.