Hnawmpung ah Naute suakpek ruak an sar

Yangon khua laili, ziinkap hnawmpung ah a thi cia mi naute suakpek ruak an sar.

Tuni, February 2 zinglam nazi 10 hrawngah Yangon, Kyauktada District ziinkap hnawmpung ah hnawm sar pawl in an hmu mi a si ih naute cu Hni thawn tuam in palastic sungah an thun.

Tualsungum mipakhat in “zinglam thawhhlam kan ei lai ah naute ruak an hmu. Hnawm sar pawl in an hmu hmaisabik ih naute cu plastic ah thun in a um. Zo tak in sipeimaw mai sungsuak fa rori hivekin an tuah cu a ṭha lo zet” tiah a ti.

Naute ruak cu Kyauktada meithat pawl in zohciangnak an nei hnu ah zunglam ah an phur tiah an sim.

“Nunau a si. Mizaan hrawngah an hlawm mi siding zum a um. A Lai hri thawn a ngerhaw ih ataksa pawl a him thluh hlei ah siatnak a um lo. Thi cia in a piang maw, ziangvek a si ti cu kan thei lo” tiah amahcun a rel bet hrih.

Naute ruak cu mibawm hnaṭuan le meithat pawl in Yangon siizung ah an phur ih a ṭul dan ih zirin siizungpi ah zohciangnak an nei bet ding tiah theih a si.