Zu inding umlo ruangah Hand Sanitiser Intu an tam, Mipum 16 an thi zo

India : Covid 19 boruak ih zu dawr phit ruangah Andhra Pradesh’s Prakasam district ah alcohol tel mi kut kholh nak sanitiser in tu an tam.

‘Zu dawr phit ṭheh a si ruangah zu ngolvei tamzet in sanitiser cu rittheih ah hmang in an in ṭheu ih mipum 235 lenglo in an zong sang zo’ tiah Indian Express cun a ngan.

Kandung zarh sung lawng ah Kurichedu mandal district ihsin sanitiser innak ruangih thitu mipum 16 an um zo.

Khawtlang hriselnak ngaihtuah in Palik lam in sanitizer in hmang pawl an hawl ih ‘taksa hrang ih a ṭih nung zia le thih lohli nak tiang a thlen thei thu simfiahnak an nei nan a ninii in a intu an pung vivo.

Palik Superintendent Siddharth Kaushal cun, “covid 19 boruak dawr phit ruangah miharsa zu ngolvei tam zet in kut kholh nak sanitiser, zu ah hmang in an in. Hih hmun kiangkap hrawng ih zu ngolvei pawl cu mi harsa an si. Zu dawr phit ṭheh a si ruangah zu inding um lo in an buai lai ah kutdawh pakhat in sanitizer rit a theih ti`n a sim hnu in a intu an tam thok.”

“An in mi cu mankhung gel sanitisers siloin manol a tii cii sanitiser a si. Mi hmulo ih in thup khal an tampi ding kan zum.Taksa hrang ih ṭihnung zetmi a si ruangah inlo dingin mipi kan sim thei ih, a in ruangih thi, mipum 16 ruak pawl khal zoh ciangnak kan nei bet dingih a ṭuldan vekin hmalaaknak kan nei vivo ding” a ti.

ref:IT,INexpress

Leave a Reply

Your email address will not be published. Required fields are marked *