Zoom hmangin Conference an nei lai ah Taklawng Video an thlah sak

Twitter hack nakih tawlreltubik siding an zum mi Graham Clark (kum 17) ṭhuṭhensak danding rel lai ih porn video an rak thlah sak ruangah relsuak thei loin, Judge pa in meeting a ti tawp.

Tulai fangih lar zet, Online conference nakih an hman ṭheu mi Zoom app hmang in thurelnak an nei ih Zoom setting tuahsual in password an bun lo ruangah BBC, CNN ih hnaṭuan si vekin mitam zetin an rak ṭawiawm ve.

Cutin, thurelnak an nei rero laiah media pawlkom pakhat ih palai vekin conference nakih telvetu mi pakhat in hla ring zet in a play ih Judge le thuṭhen zung hnaṭuan pawl an mang a bang thluh. Live ih rak zohtu pawl khal an hni hluarhlo.

Cuhnu ah mi pakhat in pa le pa ittlang lai video a rak thlah bet ruangah meeting khawsuak loin conference cu an titawp.

Graham Clark (kum 17) cu Barack Obama, Elon Musk, Kanye West, Bill Gates, Amezon neitu Jeff Bezos, Democratic presidential candidate Joe Biden tvp ih twitter rak hack saktu lakih hruitubik siding an zummi a siih, tuṭum ah daan tat danding an rel khawsuak theilo ruangah tuhnu thla 2 rei hnu ah ṭhuṭhensak danding an rel saal leh tum a si.

**A video khal a um nan FB lam in rem an tilo ruangah kan ret tello.

ref:Twitter

Leave a Reply

Your email address will not be published. Required fields are marked *