Zahmawh thu ah Conor McGregor Mualpho
Mixed Martial Arts khawvel ih hminthang Conor McGregor (kum 32) cu pasal nei zo nupi late a zahmawh a hmuh ruangah buainak a tong tiah France 3 Corse media (TV broadcaster) in a phuang.
Conor McGregor cu water safety awareness hrang ah Lawng to zuam dingin a nupi le fa pahnih thawn France ram, Corsica tikulh ah an tlawng.
An thlen nak khua bar sungah numi pakhat in a zahmawh i hmuh ti`n a puh ih thubuai a tuah ruangah Conor cu France palik in an kai lawk ih thu an sut hnu ah an thlah saal.
Conor McGregor being handed a summons by the French police over sexual allegations and indecent exposure for allegedly exposing himself to young married women after a heavy drinking session on the french Island of corsica (images via Goff Photos) #mma #mmanews #conormcgregor pic.twitter.com/jIayl0Wws1
— Chris Avraamides (@Legionnairecsn) September 13, 2020
Thuthang suak pek ahcun zahmawh thawn pehpar mi hmuhsuamawnak ruangah Conor an kai ti lawng in an phuang ih, tu ah, thubuai tuahtu ih rualpi pakhat cun a zahmawh a hmuh hrim ruangah a si, kei mah khal in ka hmu ti`n France 3 Corse media hnen ah a sim.
Conor Lawyer le sungkua pawl cun buainak tuahsaktu numi in thuphan a sim an ti nan an thubuai cu tukhalah a nung lai ih zingzoinak an nei peh bet ding. Aṭul ahcun court lam khal ah an ko lai ding tiah France 3 Corse media cun a phuang.
Conor cun mawh lo vekin a sim aw nan France ram a feh nak san bik Long to zuamnak khal ah an tel siang sal lo.
Tuhlan khal ah buainak neuhneuh a nei hnuaihni ih a fan mobile phone a dengkuai sak ruangah le bar sungah putar a thong dah ruangah a hmin a sia zet zo.
