Wuhan – Voksa soup sungih Palaap thi mi an hmu cu Siizung ah an tlaan thluh

Wuhan khua ih innsang pakhat cu voksa soup an ei mi sungah palaap thicia an hmu ruangah coronavirus nat check lohli dingin siizung lam ah an tlaan thluh.

Palaap thicia cu dawr ihsin an lei mi voksa soup sungah an hmu mi a siih an hmuh veten thinphang in coronavirus nat test nak an nei lohli ih vanṭhat nakah an negative thluh tiah China local media in a tar lang.

“Kan inn kiang dawr ah kan lei ih ka pa in malte a ei hnu ah vuur kuang ah kan ret lawk. Nithum hnu ah kan sungkua in kan ei tlang tumih ka vun sat cu soup sungah palaap fate ka hmu” tiah an hmuh tonmi thuhla cu innteekpa` fapa Mr Chen in Hubei Television hnen ah a sim.

Hubei Television thawn hmaton thusutnak an nei

A nu khalin, “soup hmui nak dingih an rawi mi ah ka ruat lawk. Chopsticks thawn ka vun sawh cu a thla le a hna ka hmu, hmul khal a nei” a ti. Soup an lei nak dawr ah an va hmuh nan dawr neitu cun an lei sawng sinnak company a khih hmuh.

Nan, Company lam cun kan tuahnak ah a lut mi cu si thei lo. Palaap cu zaan ah an suakvak ih soup cu sun ah kan tuah an rak ti ih an lei hnu ih lut mi siding an zum thu khal an rak sim.

Covid 19 boruak lai a si thawn ṭihnung tham a si ruangah palik khalin zingzoinak an nei. Asinan company lam in le an el, palaap le soup dawng an ong, nithum hnu ih hmu mi a si ruangah zingzoi ngaihnak a um lo.

Coronavirus cu palaap ihsin minung ih suan mi ti a si ruangah an innsungsang zaten Covid 19 natnak an check nan an negative ṭheh a si.

ref:dailymail

Leave a Reply

Your email address will not be published. Required fields are marked *