Wrestling Legend Miniam Stevie Lee Mual Liam

TNA Wrestling khawvel ih rak hminthang dah, Miniam Stevie Lee (kum 54) cu Tlawngkia nithum ah rinlopin a thi tiah a mai` ruakvuui nakding tawlrelnak GoFundMe page ah an tarlang.

TNA Impact Wrestling ih a tel lai ah cu “Puppet The Psycho Dwarf” ti`n hmin a pe aw ih Fan khal a nei tam zet.

Hollywood khawvel khalah amah tawk in a hminthang ve ih mi theih lar zuknung a cang mi pawl cu Jackass 3D, American Horror Story, Oz The Great and Powerful pawl an si.

A thih dan hi theihciang a si lo ih a ruakvuui nakding paisa dilnak GoFundMe page ahcun, “amah hi mi tlaitluang, rualpi ngaihsak le a sungkhat unau pawl ih duhdawt zetmi a si. Fan khal a nei tam ih sungkhat unau vek rori ih zohtu rualpi khal a nei tamzet. Asinan, tuahcun a ruak vuuinak tawlrel tuding a unau Jim lawng a tang. “Curuangah, a mah hrangah kan ti theitawk ten bawm cio uh si” ti`n an ngan.

A rak tel dahnak Impact wrestling pawlkom in an riahsiapi thu an tarlang ve ih “Puppet The Phycho Dwarf tiih theih lar mi Stevie Lee in mual in liam san thu kan thei ih kan riahsia zet. Sungkhat unau rualpi hnen ah daihnak um hram seh” tiah Twitter ah an tarlang.

Leave a Reply

Your email address will not be published. Required fields are marked *