White House Uico thu thawn pehpar in Thuṭhenzung ah Heknak nei

National security secret a si tiin US cozah ih phuang duh lo mi White House um uico (Conan) a nu maw a pa a si timi thuhla ah mi pakhat in thuṭhenzung ah heknak a nei.

Freedom of Information Act daan hmang in heknak thehlut a siih US ram pi hero sinak neitu rori cu a thuhla, mipi in theih kan phu tiin heknak thetlutmi a si.

Conan cu US ralkap special operations hrang ih ṭangkaimi sidingin fim zirhmi a siih US ralkap in ISIS hruaitu Abu Bakr al-Baghdadi an va siim ṭum khalah a teve. Cui ṭum ihsin media pawl ih ngaihven a hlawh thok.

ISIS hruaitu Abu Bakr al-Baghdadi an kahthat ṭum ih a cangvaih ṭhat ruangah Pu Trump in miralṭha hminsinnak medal a orhter. Cuih ṭum ah Pu Trump cun uipa si vekin a rel. Asinan White House official in a nu si vekin reporter hnen ah an rak sim dah.

ABC News in le uipa a si tiin cozah hnen ihsin kan thei an ti. The Guardian in le White House official le US Special Operations in uipa a si tiin in sim an ti ve lala. Cutin elawknak a ṭan thok ih a thuhla theiciang duhin tu ṭum ah thuṭhenzung ih heknak thehlutmi a si.

HEKNAKCA na siar duh le hinah hmet, Conon thuhla

ref:thesun,wiki

Leave a Reply

Your email address will not be published. Required fields are marked *