White House kiang ah Ṭek a tla, Kum upalam mi 2 thi, 2 hriam tuar

Washington DC, US president umnak, Innrangpi kiang Ṭek tlak ah mi 4 besia zetin hriam an tuar ih, kum upalam mipahnih cu August 5, Tlawngkai ninga zing ah siizung ah an thi leh.

Nunau 2 le Mipa 2 an si ih nikhua sia Ṭek tlak lai fangah White House kiang Lafayette Park ah an rak um ih rinlopin Ṭek in a tla hai.

Hmin tarlang lo mi Ṭek tlak tuar mi 4 lakah kum upalam mipahnih cu siizung ah an thi zo ih, a tang mi mipahnih pawl khal nunnak hrang tiang phan sak um khawpin an besia tiah DC meithat ṭuanvonei mipakhat in media hnen ah a sim.

“Ruahsur nikhua sia lai ah Park sungah ziang an tuah ti cu kan thei lo. White House secret service pawl in an hmu hmaisabik ih an bese zet. An zaten kaingkap naivai siizung ah zohkhen in an um ih, siizung thlen hnu, tuzing ah kum 76 le kum 75 upa mipahnih an thi” tiah a ti.

Tlawngkai nili zaanlam ah US ram Nikhua tahzung ihsin nikhua a sia ding thu le Ṭek a tla ding thu, mipi ralrin an pe ih Park sung Thingkung hnuai tivek ah beu lo dingin tlangthannak an rak tuah zo a si.

Leave a Reply

Your email address will not be published. Required fields are marked *