Vur kuang ih ret mi Kaikuang ah CoronaVirus an hmu

Ramdang ihsin China ram ih laklut mi, Vur kuang sungih ret mi Kaikuang pawl lakah coronavirus an hmu thu China local government in a phuang.

Cuih Kaikuang pawl cu Ecuador ram ihsin laklut mi a siih a rak leisawng sintu Wuhu khua ih restaurant pakhat ah an hmusuak mi a si.

Brazil ram ta Arsa an lak mi khalah coronavirus an hmu thotho ih nili sung lawng ah China ram ih khua pathum pawl ah coronavirus an hmusuak ruangah China cozahpi khal a thinphang zet.

Nat an hmu nak restaurant ih hnaṭuan le an laknak company ih hnaṭuan pawl zaten Covid 19 test nak an nei nan an zaten negative an si ṭheh.

Asinan Ecuador ram ih laklut mi ei-in lak ihsin nathrik hmuhsuak mi a si ruangah cuih ram ih Kaikuang company pathum pawl hnen ihsin laknawn hrihlo dingin thu an suah lawk ih ramdang ihsin laklut mi Sa a lei ṭheutu pawl khal ralring dingin China cozah in mipi a theihter a si.

ref:cctv

Leave a Reply

Your email address will not be published. Required fields are marked *