Vun Rong Thleidan rimnam Ca thlahtu, Palik hnaṭuan ihsin cawlhter

George Floyd thihnak thawn pehpar in palik sung khalah buainak neuhneuh a um ih ziaza mawilo, vun rong thleidan ṭongkam hmang ruangih palik hna ihsin banter mi khal an tamzet.

June 1 : New York Police Department thawn pehtleihnak nei mi Fulton ih palik Hunter Beckwith in “Vun rang (mirang) in midum an that lawngah midum pawl in an ngaihven” timi zuk, instagram ah a thlah ruangah a thuhla zingzawinak an neiih tu ah a hnaṭuan ihsin ban dingin an tawlrel rero lai a si.

June 3 : Denver Police Department palik Tommy McClay in cerek teilo kawr le lukhuh keng a rualpi pahnih thawn an zuk tlangmi cu “let`s start a roit. Buaivutvo ṭan uh si” timi catluan telh in instagram ah a thlah ruangah hnaṭuan an ban. Duhphorhnak nei mipi, tears gas le flash bang hmang ih an nuai hlan deuh ih post mi a siih a thaizing ah hnaṭuan ihsin an banter a si.

June 9: Troy University ih Chief Police Officer John McCall khal cu George Floyd thih thuhla thawn pehpar awmi Facebook ca post comment nakah thu an elaw ih Floyd mawh ruangih buainaksuak phungpha veikih a comment ruangah le Pu Trump Bible keng ih a zuk awmi thuhla elawknak ruangah Troy University palik sinak ihsin an ban a si.

Tuhlan khalah Social Media ah vun rong thleidan rim nam mi ca thlah le comment ruangih hnaṭuan ban mi an tam zet zo ih a ra lai dingmi tikcucaan khalah tuṭum buainak thawn pehpar mi ca thlah ruangih hnaṭuan banter an tam zet lai ding zum a um a si.

ref:OGNW,VCE

Leave a Reply

Your email address will not be published. Required fields are marked *