Voih thawh lai video thlah ruangih Hnaṭuan dawi tuar pa Hlawhtling vivo

Voih thawh lai video zuk in Instagram ah thlah ruangih hnaṭuan dawi tuar, Florida siizung pakhat ih security guard Doug cu a tuah ṭuan mi ah a hlawhtling vivo ih, a Instagram account verify a si zo hlei ah ting 1 luan follower a nei zo.

A hnaṭuannak siizung ah uniform hruh ih a voih lai video cu The Fart Authority Instagram page ah a post ringring. A hmin a thang vivo ih thla 5 luan hnu ah a pu le in an kai ngah.

Hnaṭuan lai ih phone hmang ruangah le hnaṭuannak company hminsiatter ti`n a pu le in hnaṭuan an ban. Hnaṭuan an dawi lai cu live in a thlah ih a zohtu an tam zet.

Instagram ih video a thlah mi cungcang ah Vice media in thusutnak an nei ih, Doug cun, “ka duty nak khaan tum zet ah voikhat ka voih cu a awn a mawi tukih cuih ni in ka voih lai video ka zuk ih group chat kan nei ṭheu nak ah ka post.”

“Ka video cu rualpi pawl in an lawm tuk ih cuih ni in Instagram ah ka thlah thok. Zaan khat thil thu ah zum um lo ding khawp in follower ka nei ciamco ih ka voih lai video cu ka thlah ringring si ko” tiah a sim.

Hnaṭuan an dawi hnu ah fundraising page a tuah ih “Kei mah cu Paul Flart ka si. Instagram ih ka video hmutu hmuahhmuah hnisiamsi thei ding in voih ka thawh lai video ka zuk ringring.”

“Tu ah, hna ka nei nawn lo ih, ka tumtah thar cu voih thawh thawn pumcawmaw hi a si” a ti.

Hnaṭuan an ban hnu, 2018 kum ihsin a tuah ṭuan mi ah a hlawhtling vivo ih tu ah Paulflart timi Instagram account thawn followers 109k a nei a si.

Leave a Reply

Your email address will not be published. Required fields are marked *