Vanzam Thlaziik ih kai tum cu a cangsual hlei ah Palik in an kai cih

Las Vegas, McCarran International Airport ihsin Portland lam ih zamtum, Alaska Airlines Vanzam thla par ih mipakhat a kai lai video cu tulaifang online ah a lar zet.

Amah hi ziangvek minung a si tikhal theih a si lo ih a hmutu pawl cun Vanzam totu lakmi siloin a leng ihsin a kaiso sawn sivekin an rel.

Vanzam totu in video a rak zuk ih video ahcun Vanzam thla ziik ah a kai ciamco tumlai a lang. A kai theilo cu a but le mawca a phoih ih a kai tum sal. Palik in Vanzam thla par ah kai in an va kai tum lai ah Vanzam thla ziik ah a kai tum sal ih kai thei loin tanglam ah nazetin a tlak.

A tlak veten Vanzam tualrawn par ih cangṭhiṭha theilo cu palik in an nam vualvo. “Vanzam tualrawn hruang par ih kai lut siding kan zum. Vanzam thla ziik ah a kai tum ih a tlak. Thluak lam damlonak nei siding kan zum” tiah Metropolitan Police Department in reporter hnen ah a sim.

Palik ih medical facility ah a hriselnak zohciang dingin an hruai hnu ah palik zung lam ah thusutnak nei dingin an hruaisuak tiah IT express in a ngan.

Leave a Reply

Your email address will not be published. Required fields are marked *