Vansang boruak ihsin tuksumza Meisa-alh a tla mi cun India mipi thlaphangter
March 2 zaan ah India ram, Maharashtra, Chandrapur district ah vansang boruak ihsin tuksumza meisa-alh a tla ih khawmi pawl an thin phang zet.
“Khawtlang puai tuah nak ding hrang kan timlam lai fang ah a si ih a thawmvang ring zet. Thil pheng/Hlum meihlio alhmi vek deuh khi a si. Kan khua kiang mualpi ah a tlak. A thawmvang ring tukih thinphangin innsung ah kan tlanlut thluh. Nazi khuai sung hrawng kan suak ngam lo” tiah khawmi pakhat cun TOI hnen ah a sim.
Caan tawk mawi an relh hnu ah thawmvangdang zianghman a um nawn lo ih, a tlaknak hmun an va zoh cu Thirhlum tumzet an hmu.
Atlak laifang cu hmun dangdang khalin a lang ih video tawi an zuk mi pawl cu online ah a darh thluh.
India ramsung thuthang pawl ah an suah thei lohlilo ruangah miṭhen cun alien an si ih cozahpi in thuhla an thup hlo thluh tum ti`n thuthang diklo an rak thlah man.
In what appears to be a meteor shower was witnessed over the skies of Kutch, Jamnagar and other parts of Saurashtra and Vadodara in central #Gujarat and even parts of south Gujarat. pic.twitter.com/lhie2DviGR
— TOI Vadodara (@TOIVadodara) April 2, 2022
Meisa-alh cu peng dangdang ah amalbik hmun 2 in a tla ih mithiam pawl in zirzoinak an nei hnu ah, Rocket taksa ruang pakhat a si ti`n phuang.
Indian Space Research Organisation (ISRO) ih ṭuanvonei mipakhat cun “a tlak dan tikcu pawl kan ruat ciang tikah February 2021 ih China Rocket an thlah mi ta a si ding ti`n kan ruat.”
“Vansang ihsin thil a tla tikah kan leilung khuhtu daatkhu a pahtlang thei cun boruak ah a alh phah ih lei par ah a tla. Atu kan ram ih a tlak mi khal hi cuvek thotho a si” tiah a rel.
Kan dung bai ah China scientist pawl in boruak par ih an Rocket hnawm hne them le satellite siatmi an pahaw ih lei par ah a tla leh thei ti`n thu an rak phuang dah a si.
Last year’s Chinese rocket stage reenters over Maharashtra, MP producing a spectacular display
Sandhya Ramesh @sandygrains reports #ThePrintScience https://t.co/5J7xKnVk4i
— ThePrintIndia (@ThePrintIndia) April 3, 2022
