Van par ah Zahmawh lem cuang dingin Vanzam mawng hrimtu thuhla zingzoinak nei

Russia ram ih Pobeda airline pilot 2 cu van par ah mipa zahmawh bang mi lem cuang ding in vanzam kelkawi in an mawng ciamco ruangah company hotu lam in hmalaknak nei tum in zingzoinak an nei thok.

Hmin tarlang lo mi vanzam mawng mi pahnih cun software thawn zoh tik ah mipa zahmawh cuang ding in November 11 ah Moscow ihsin Yekaterinburg lam an pan lai ah a kel le kawi in vanzam an mawng ciamco.

Cutiih an tuah nak san cu zahmawh tham in mah te nuam ceen tu Russia Football captain Artem Dzyuba cu amah ten nuam a ceen lai video online ih a leak ruangah international football lek nak ihsin an cawlh ter sung mi an dodalnak lang ter duh ruangah an tuah mi a si.

“Russian team captain Artem Dzyuba an dinpi mi langter duh ah kan pilot pawl in an tuah mi siding. An ṭum ding tikcu hnak ih minute 20 tlai hnu ah Yekaterinburg airport ah an ṭum” tiah Pobeda airline ṭuanvoneitu pakhat in a sim.

Vanzam mawngtu pahnih cun Neftekamsk khua tlun an thleng fang ah zahmawh bang mi van par ih cuang lang thei ding in vanzam kelkawi in an mawng ciamco.

Hih thuthawn pehpar in avid.ru ih chief editor Roman Gusarov cun “hivek cangvaihnak hi cu thil ṭih nung zet a si ih thinhengnak maktara neitu lawng in hivekin cangvaihnak an nei ngam. Cule, hivek cangvaihnak nei tu cu nasaten hrem an tuar” a ti.

Tu ah hih thuhla cu Federal Air Transport Agency in zingzoinak an nei rero lai ih an hmuhsuah mi zir in vanzam mawngtu par ah hmalaknak an nei tum a si ti`n RT in a tarlang.

Russian footballer Artem Dzyuba

Leave a Reply

Your email address will not be published. Required fields are marked *