Utah ramcaar ih Monolith cu mangbangthlak zetin a hlo puppi

Utah ramcaar ih hmuhsuahmi Thir phun “Monolith” cu zo a si ti theilomi in November 27, zaanlam ah an ṭhiatbal a si tiah Bureau of Land Management – Utah cun official in Facebook cahmai ah a tarlang.

Monolith cu November 18 ah Utah Department of Public Safety le Utah Division of Wildlife Resource in ramhaalnak an nei lai, Utah ramcaar ih hmuhsuahmi a si ih 12ft hrawng ih sang, killi nei, Thir nem thawn tuah mi Monolith cu zo a si ti theilomi in Lungsen sungah a phun mi a si.

“Cozah ram ah Daan lo ih phun mi ‘Monolith” cu November 27 ah zo a si ti theilomi party pakhat in an ṭhiatbal tiah thuthang kan thei. Hih thuthawn pehpar in kan mah BLM ih ṭhatbalmi a si lo ti thu, mipi hnen ah sim thei kan duh. Hivek private property thawn pehparmi ah hnuaihnihawknak kan nei dah lo ih local palik lam ih ngaihven ṭheu sawn mi a si” ti`n Bureau of Land Management – Utah (BLM) cun an mai`official Facebook cahmai ah an tarlang a si.

Monolith cu hmuhsuah a si hnu zarhkhat hnu lawngah mipi hnen ah tlangthannak an nei ih hmunhla ramcaar ih ummi a si ruangah a zoh duh tu pawl in harsatnak an tong pang ding ti`n cozah lam in a umnak hmunram mipi an theihter lo.

Asinan, Internet san a si vek in thildanglam hmuhsuah tharmi thuhla cu online ah a darh cak zet ih Utah ramcaar ih hmuhsuahmi ‘Monolith’ thuhla khal cu a ngaihventu an tam zet.

Cutin, Google Earth thawn a umnakding awmang an hawl ciamco ih Monolith hmuhsuahmi thuthang a suak hnu nazi 48 sungah a umnak hmunram cu an hawl suak.

A hmun ih vathleng hmaisabik cu US army officer David Surber a si ih a feh danding reddit ih a thlah ruangah cuih hmun ih fehsuaktu minung hnih-thum an um man.

Thir phun “Monolith” cu zo a si ti theilomi in November 27 a ṭhiatbal ….

Helicopter pilot Ryan Bacher in “Tlawngkai ninga zaanlam tiang cu a um lai ko. Nazi 24 hnu ah ka rualpi pakhat in a va zoh cu a rak um nawn lo. A ṭhiatbaltu zo a si timi kan thei ciang lo” ti`n KSL TV station hnen ah a sim.

Utah ramcaar ah hin Land art hmuh ding a tam zet ih killi nei Thir phun mi Monolith khal hi 2001: A Space Odyssey zuknung uar zettu in Flim sung ta cawng in Land art phungpha vekih a phun hrim mi siding an zum.

Read also : US – Utah ramcaar ih Thilmaksak hmuhsuah mi cun Mipi a ti Mangbang

Read also : Zum vek ciah in Utah ramcaar ih Thir phunmi hmusuaktu an um

Leave a Reply

Your email address will not be published. Required fields are marked *