US Vice President to mi Air Force Two vanzam a Cangsual – Video
US Vice President Mike Pence to mi Air Force Two vanzam cu tualrawn ihsin a poksuak hnu seconds 7 hrawng rei ah vate a pah ngah ih emergency in an ṭum lohli sal.
New Hampshire, Manchester-Boston Regional Airport in Washington D.C. lam pan in a pok suak ih Vanzam in vate a pah lai cu video in an rak zuk man.
Video sung ahcun Vanzam zam suak hnu seconds 7 hrawng ah vate a pah ngah in a lang ih a pah nak vanzam vorhlam thlaherh sungin meivam a suak surso.
Pilot in a thiamnak hmuahhmuah suah in vanzam a keel pi lohli ih khawngaw, hliamhmatuar um lo in tluangten an ṭum thei sal.
Air Force 2 has a little different look tonight. Now in a C17 and happy for it! Thanks to the pilots and crew for getting us safely back on the ground. pic.twitter.com/N81N9MK8Ra
— ADM Brett P. Giroir (@HHS_ASH) September 23, 2020
Vanzam tualrawn ṭuanvonei pakhat cun, “Air Force Two a poksuak hnu second 7 hrawng rei ah, a vorh lam thlaherh ah vate a lut ih emergency in an ṭum lohli sal. Hliamhmatuar le khawngaw an um lo. Vice President Mike Pence khal, thil phur vanzam thawn a feh tum nak hmun ah a pok suak zo” tiah NY post hnen ah a sim.
Hivek accident hi tuhlan khal ah an tong tam zet ih Vanzam le Vate pahaw ruangah 1988 kum ihsin tu ni tiang, minung 200 lenglo an thi zo.
Ram ṭhenkhat ahcun tuvek cangsualnak umlo dingin Vanzam tualrawn ah Ui fim an vulh ih Vanzam a poksuak zikah runway ih vate pawl cu Ui in a dawi tlan thluh ṭheu.
UK, Central Science Laboratory ih ngan mi ah Vanzam le Vate pahawnak ruangah airline pawl in kum khat ah US$1.2 billion an sungral ti a si.
