US : Utah ramcaar ih Thilmaksak hmuhsuah mi cun Mipi a ti Mangbang

Utah Department of Public Safety le Utah Division of Wildlife Resource in ramhaalnak an nei lai ah a danglam zet mi 12ft hrawng ih sang killi nei Thir phun mi an hmusuak.

Helicopter thawn Utah ramcaar an fangkual lai ih hmuhsuahmmi a siih video le zuk sung ih a lang dan ahcun vansang ihsin thlak ruangih phunawmi a bang lo. Tumtah nei ih phun hrim mi si in a lang.

Lungsen sung ah a phunawk ih zingbik a si, zing hrang ih tuah mi a si, zo in a phun, thil ṭihnung a si maw tvk theihcian a si lo ruangah a hmusuaktu le Utah cozah lam in a umnak hmun cu mipi an theihter lo.

Helicopter mawngtu Bret Hutching cun “Thlanglam Utah ramcaar kan fang lai ah ka phur mi biologist mipakhat in ‘umhrih,umhrih,umhrih kir sal aw’ ti`n a au ciamco ih ‘ziang saw’ ti`n kasut'”

“Kan tang ciah ah thil danglam pakhat a um. kan zoh ṭul’ a ti ih kan vung zoh cu ‘kan lak ih mipakhat a hloh puppi pang cun midang kan tlanhlo thluh ding’ ti`n kan copohaw phah rero” ti`n KSL TV hnen ah a sim ih “Vanboruak le arsi umdan pawl zirzoitu NASA ih phun mi siding ah kan ruat lawk nan a hmun ih kan va zohciang cu science thawn pehparawknak a nei lo ding a bang” a ti.

Utah ramcaar ah hin Land art hmuh ding a tam zet ih tui` hmuhsuahmi killi nei Thir phun mi khal hi 2001: A Space Odyssey zuknung uar zettu in Flim sung ta cawng in Land art phungpha vekih a phun hrim mi siding an zum.

Hutchings cun “Helicopter ka mawn thok ihsin hivek thil danglam tamzet ka hmu zo. Asinan tuṭum ih ka hmu mi cu a danglam hleice” a ti.

Leave a Reply

Your email address will not be published. Required fields are marked *

error: hahahahahaha !!