US, Texas pacang pakhat in Russia ralkap raldo bawm

Mirang mitamsawn cun Ukraine lam ṭangin mi ram nortu Russia an dem lai ah US ram, Texas ih um pacang pakhat cu Russia raldo bawm dingin an ram ah a tlawng.

Russia bawm dingih poksuak, kum 54 mi Russell Bonner Bentley cu kum 2015 lam ihsin Ukraine ram nor nakah Russia thapezettu a si tiah a thuhla pholangtu Texas Monthly magazine cun a tarlang.

Russia ram ah tu le tu a tlawng ti a si ih, tuṭum khalah Ukraine-Russia boruak sosang lai hrawngah ralkap thape dingin Russia ram ah a thlawng.

Russia ralkap mawṭaw pawl langter in US raltumbik pakhat a si mi Russia tha a pe lai video cu online ah a darh ih a zohtu tingteel an um zo.

A video share sawngtu khal an tam zet zo ih, caption tarlang tambik pakhat cu “US ram mi sinak long uh” ti a si.

Texas Monthly tarlang mivek a si le amah hi riit theih thil thawn pehparin thubuai a nei ruri zo ti a si ih, cubakah 1990s kum ah US Senate tohkham hrang a rak zuam dah ve ti a si.

Russell Bonner Bentley video thlah mi cu “mirang pawl khalin Russia in bawm” tiphungpha in Russia cozah media pawl in online ah nasaten an theh darh tiah theih a si.

Leave a Reply

Your email address will not be published. Required fields are marked *