US : South Dakota ah feet 7 sau Dinosaur Luruh an hmu

South Dakota, Badlands National Park sungah dinosaur cikhat a si mi Triceratops luruh phorhsuak a si thu, Missouri college in official in a phuang.

Kandung kum ṭhal lai ah Badlands National Park ih um mipakhat in rannung danglam “Ki” a hmusuak mi thlun in, tu kum ah an hawl saal nak ih hmuhsuah mi a siih, Triceratops luruh cu feet 7 a sau ih pound 300 hrawng ih rit a si.

Triceratops luruh hmuhsuah nakih hohatu, Westminster College ih Geology and environmental science professor David Schmidt cun, “ka tlawngta pawl thawn kan hmusuak mi a si. Kandung kum, Grand River National Grassland ah a danglam zetmi rannung ‘Ki’ hmusuak mi zuul in, tu kum ah kan hawlsaal ih ka hmusuak mi a si.”

“Kum tinten hivek hawlsuak tum in cangvaihnak kan nei ringring. Tu kum cu Covid 19 boruak thawn kan cangvai suak ding ka zum lo nan volunteer tu pawl zar ah a cangsuak thei saal. Kan zaten ṭangrual in kan lai suak. Coronavirus khal zohman kan kai lo” ti`n Local media hnen ah a sim.

Triceratops luruh an phorhsuak mi cu Westminster campus sungah an ret ṭha ih ruh ro dang an hmu mi pawl thawn pehzom thluh thei ding an beisei a si.

ref:KCBD,Disclose.tv

Leave a Reply

Your email address will not be published. Required fields are marked *