US ram ah LingHnin, tsunami Darkhiing a Awn

Perryville, Alaska ihsin peng 65 hrawng hlatnak ih 7.8 magnitude thacak linghninnak cun tsunami darkhiing a ti awn.

tsunami darkhiing awn terin ṭunvo neitu pawl ih tlaangaunak thawngin linghninnak kiangkap ih um khua mi pawl cu hmun himnak hawl in tlangpar lam ah an kaai.

Tlawngkai nihnih zaan, local nazi 10:12, Alaska, southeast Perryville thawn peng 65 hrawng hlatnak, a thuklam peng 6 hrawng ihsin 7.8 magnitude thacak in Ling a hnin ih linghninnak ihsin peng 200 vuakvel ih um pawl, tsunami ralring dingin darkhiing an awnter nan tisuar ṭihnung ding khawp in a tho lo ruangah tsunami darkhiing cu an phit saal.

National Tsunami Warning Center ih ṭuanvoneitu cun, “Linghninnak in tsunami cu a tho ter. Nan, tih nung ding khawp in a sang lo. Asinan, 7.8 magnitude thacak ih linghnin mi a si ruangah tipi umdaan a thlengaw thei. Curuangah linghnin ṭuanvonei pawl in offcial in a him a si an ti hnu lawng ah tipar ih hnaṭuan pawl khal a pangai in an ṭuan pehzom thei ding” tiin a sim ih hih linghninnak ruangih khawngawk le hrimhmatuar cu tutiang an um hrih lo a ti.

Alaska, state seismologist Michael West cun, “Alaska hrang ahcu pangai linghninnak men a si. Asinan, ṭih a nung mi tsunami suakterthei khawp ih thacak a si” ti`n tsunami darkhiing awn cungcang cu a sim fiang.

Alaska san thuanthu ih linghnin ṭihnungbik cu March 27, 1964 ah a suak. Cuih ṭum ah 9.2 magnitude thacak ling a hnin ih tsunami tisuar le linghninnak ruangah mipum 250 lai an thi a si.

ref:USATODAY

Leave a Reply

Your email address will not be published. Required fields are marked *