US in a thupten Ukraine Ralkap a bawm : Report

Leitlun pumhlum siatter theitu Nuclear ralpi a tho pang ding phan ruangah le thu phunphun ruangah langhngan in cangvailotu US cozah cu “a thupten Ukraine nan bawm” tiah Russia in a puh.

February 25 zaan ah Black Sea tipi, Snake Island kiangkap ih cangvaitu Russia Lawngpi cu ralthuambun Ukraine Lawng pawl in kap tum in Tipi ah doawknak a suak.

Ukraine ralkap pawl in Russia Lawng umnak cekci an thei fiang thei dan cu tlunlam ihsin US drone in a khih hmuh ding zum a um thu, Russian Ministry of Defence spokesman Igor Konashenkov in a rel.

“Thil um dan ka rel fiang duh mi cu Ukraine ralkap pawl in kan Lawngpi an kap tum lai ah US drone vanzam a um ve.”

“Lei par ihsin control mi US RQ-4 Global Hawk le MQ9A Reaper vanzam cu Tipi par ah an herkual rero” tiah a ti.

Tuhrih tiangih thuthang um sun ah US cozah siseh, NATO sungtel ram pawl in thazaang hmangin Ukraine an bawm lo nan ralthuam phunphun an pe tiah theih a si.

Black Sea tipi, Snake Island tikulh buainak ah Ukraine ralkap 13 cun ralá¹­ha zetin ram le miphun hrang nunnak an hlan tiah thu a um nan, Russia lam cun Ukraine Lawng 6 kan kap siat hlei ah Ralkap 82 pawl cun hriamhrei ralthuam thlakin kan kut ah an apaw ti`n thu an suah.

Cuitlunah Ukraine ralkap pawl bomnak pekin inn ah kan tlungter ti`n thu an suah ih an thlah lai video tawi khal Telegram ah an thlah a si…… Video na zoh duh le hinah hmet …… Ukraine Ralkap

Leave a Reply

Your email address will not be published. Required fields are marked *