US Election : Zum cia vekin January 6 ah buainak a suak taktak +LIVE

U.S President Donald Trump in thilmakzet a cang ding a ti ni January 6 kan thleng ih mitamzet in buainak pakhatkhat a suak ko ding ti`n an zumhmang an rak simmi pawl cu a cangsuak taktak.

US State tinkim ih President hrilnak result cu Congress pi in ca in siseh a thu khalin siseh namhngetnak nei ding a si ih, January 6, Washington D.C capitol innpi (USA tlangsuak pawl thurel khawm hmun innpi) ih hmalaknak an nei rero lai cu Pu Trump dinpitu mibur in an luh hnawh.

Washington D.C capitol innpi hmai ih pungkhawmaw Pu Trump dinpitu mibur ih hnaihnoknak ruangah US President namhngetnak cu tuah khuasuak loin an cawl hrih ih Congress ṭuanvonei pawl cu hmunhimnak ah an tlanpi lohli.

“Meithal keng khal an tamzet ih nunau pakhat cu a ṭang ah meithal in an kap tiah thuthang kan dong. Pu Trump dinpitu mibur cu innsung ah an lut ih ‘Donald Trump cu US President a si. Vote firnak thawn hruaitu situm cu kan President dingah kan duh lo’ tiah an au” ti`n ACB media in a tarlang.

Buainak a suak veten US hruaitu tamzet cun “Pu Trump thusuah lawng an thlun duh ding. Curuangah buainak a sosang sinsin hlan ah kan President pa a ṭongsuak ṭul” tiah an ti.

Pu Trump khalin tuahmawh siatsuahawk in buainak sosangsin ding cu rem a ti lo ih a dinpitu mibur pi cu dai thluh dingin le mah le inn cio ih tlung thluh dingin forhfialnak a nei.

Tudinhmun tiang cu US rampi hrilawknak thubuai cu daih lam a pan hrih lo ih thuhla umpehdan ih zirin kan run tarlang bet vivo ding.

Leave a Reply

Your email address will not be published. Required fields are marked *